Wariye Axmed Cabdinuur oo ku geeriyoodey London

Suxufi aqoon iyo xirfad sare u leh Saxaafadda ayuu ahaa, isagoo kasoo shaqeeyay BBC Somali tan iyo 1996.

Warar Keydmedia Online
Wariye Axmed Cabdinuur oo ku geeriyoodey London

LONDON, Soomaaliya - Waxaa Maanta magaaladda London, ee Caasimadda Ingiriiska ku geeriyoodey Axmed Cabdinuur, oo usoo shaqeeyay mudadii ugu dambeysay noloshiisa Idaacadda BBC-da, laanta Afka Soomaaliga.

Sida ay xaqiijiyeen xubnaha qoyskiisa, AUN Axmed Cabdinuur ayaa u dhintay xanuunka COVID-19 isagoo 66 jir ah. Wuxuu BBC ku biiray 1996, oo dadkii uu lasoo shaqeeyay aqoon badan ka korarsadeen, isagoo u ahaa marjica Afka Soomaaliga.

Bahda Warbaahinta Soomaaliyeed ayaa aad uga naxay geerida Axmed Cabdinuur, oo qof walba taabatay, wuxuuna ka tagey xasuus lama illoobaan ah oo keyd BBC-da gashay.

KEYDMEDIA ONLINE

Commenting is not available in this channel entry.