Wariye Gurbiye oo markii afaraad la maxkamadeynayo

Wariye Cabdicasiis Gurbiye ayaa horaanta bishii Maarso ku qoray bartiisa Facebook war la xiriiro in Madaxweyne Farmaajo uu qaatay qalabka neefsiinta bukaanada qaba COVID-19 ee yaallay Isbitaalka Martiini.

Warar Keydmedia Online
Wariye Gurbiye oo markii afaraad la maxkamadeynayo

Muqdisho, Soomaaliya – Tifaftiraha guud ee warbaahinta Goobjoog Cabdcasiis Axmed Gurbiye ayaa markii afaraad maanta kasoo hor muuqanaya Maxkamadda gobolka Banaadir oo dhowr jeer oo hore ku fashilantay go'aan ka gaarista kiiska loo heysto.

Maxkamadda ayaa markii ugu dambeysay sheegtay in xeer ilaalinta ay cadeyn weysay kiiskaa loo heysto wariyaha oo la aaminsanyahay iney dabada ka riixeyso Villa Soomaaliya, waxaana la filayaa in ay maanta go’aanka rasmiga ah ka gaarto.

Wariyaha oo markii hore laga xaddiday in uu akoonnadiisa gaarka ah ee Baraha bulshada ku qoro arriimaha la xiriira siyaasadda inta kiiskiisa dhamaanaya ayaa hadana todobaadkaan gudihiisa laga jabsaday bartiisa Facebook, taasoo ah tallaabo hor leh oo lagu aamusinaya.

Si kastaba, maanta ayaa la filayaa in Maxkamadda go’aan ka gaarto dacwadda wariyaha laga soo gudbiyay.

KEYDMEDIA ONLINE

    Commenting is not available in this channel entry.