Wasiirka Amniga oo Mooshin laga Keenay // Goodax oo Badbaaday

Muqdisho (KON) - Xildhibaanno ka tirsan Baarlamaanka Soomaaliya oo gaaraya ilaa 60 Xildhibaan ayaa Maanta Mooshin ka Gudbiyey Wasiirka Amniga Qaranka Soomaaliya C/kariin Xuseen Guuleed.

Warar Keydmedia Online
18 May 2014

Mooshinka laga soo gudbiyey Wasiirka Amniga Qaranka Mudane Guuleed ayaa la sheegay in uu ku qotomo Wax qabad la’aan iyo Amaanka Dalka oo uu ku Fashilmay.

Gudoonka Baarlamaanka Soomaaliya ayaa ka Gudoomay Mooshinka Xildhibanada maanta ay ka soo gudbiyeen Wasiir Guuleed.

Sidoo kale Baarlamaanka Soomaaliya ayaa maanta Cod u qaaday Wasiirka Arrimaha Gudaha Xukumadda Soomaaliya C/laahi Goodax Barre, waxaana Baarlamanka ay Cod Aqlibiyad leh ugu Codeeyeen in uu Joogo oo uu sii Shaqeeyo, sida uu ku dhawaaqay Gudoomiyaha Baarlamaanka Prof. Jawaari.

Waxaana Gudoonka Baarlamaanka uu sheegay in Mooshinka laga Keenay Wasiirka Amniga lagu soo dari doono Ajandayaasha Baarlamaanka  ee Soo socda.

Keydmedia Online – Xafiiska Muqdisho