Xiisado ka taagnaa gobalka Shabeelaha Dhexe oo la xaliyay

Muqdisho (KON) Xiisadaan colaadeed ee iminka la xaliyay ayaa dhawaanahan waxa ay ka taagneyd deegaano ka tirsan gobalka Shabeelaha Dhexe taasi oo udhaxeysay labo beel oo walaalo ah.

Warar Keydmedia Online
13 February 2013

Macalin Siciid Ibraahin Cumar oo kamid ah odayaasha deegaanka mareereey iyo lafo Malaay ee xiisada ay ka taagneed ayaa sheegay kahor inta aan la xalin xiisada ay jirtay dagaalo dhexmaray labada beelood.

Wuxuu sheegay in odayaal dhaqameed ka tirsan labada beelood ay kulan yeesheen xiisadaasina dhexgaleen oo iminka la xaliyay deeganadaasina laga dareemayo xasilooni buuxda.

Deegaano iyo degmooyin ka tirsan gobalada dalka Soomaaliya ayaa waxa ay xiisadi ku dhexmartaa qaar kamid ah beelaha wada halkaasi inkastoo odayaasha dhaqanka ay ku baxaan oo ay durba xaliyaan dhibaatooyinka jira.

Keydmedia Online Xafiiska Muqdisho