Xildhibaanno Galmudug iyo Puntland ka socda oo Gaalkacyo ku kulmay

Gudoomiyaha Baarlamaanka Puntland ayaa lagu casuumay furitaanka kalfadhiga 2aad ee Baarlamaanka Galmudug kaasoo lagu wado inuu dhawaan ka dhaco magaaladda Dhuusamareeb.

Warar Keydmedia Online
Xildhibaanno Galmudug iyo Puntland ka socda oo Gaalkacyo ku kulmay

GAALKACYO, Soomaaliya - Kulankan ayaa ahaa mid dhif iyo nadir ah, waxaana lagu tilmaamay tallaabo loo qaaday dhanka nabada iyo is-dhexgalka labada Maamul oo mudo dheer colaad u dhaxaysay.

Xildhibaanada Puntland oo uu hogaaminayo Gudoomiye Ku-xigeenka Kowaad ee Baarlamanka maamulka Deni, Abdicasiis Abdullahi Cisman ayaa u tallaabay dhinac Koonfurta Gaalkacyo kadib casuumaad ay ka heleen dhigooda Galmudug.

Labada dhinac waxay isku afgarteen inay wada-shaqeyn dhaw yeeshaan, islamrkaana u noqdaan tusaale wanaagsan horumarka labada Maamul ee dhinac dib u heshiisiinta, nabada Gaalkacyo iyo iskaashiga amniga.

Madaxweyniyaasha ee Galmudug iyo Puntland ayaa sidan oo kale sameeyay bishii lasoo dhaafay, oo isku casuumay Koonfurta iyo Waqooyiga Gaalkacyo, iyagoo bulshada ugu baaqey inay gacmaha is-qabsadeen, sidoo kalena soo xiraan boggii colaadda.

Galmudug ayaa waxaa hadda ka socda dabeylo isbedel doon ah, oo uu Qoor-Qoor hogaaminayo, iyadoo Dhuusamareeb dhawaan marti-gelisay shirar ay isagu yimaadeen madaxda sare ee DF iyo maamullada.

KEYDMEDIA ONLINE

    Commenting is not available in this channel entry.
    Warar 20 September 2020 14:00

    Wasaaradda Arrimaha Gudaha ayaa dhawaan shaaciyay inay magaalo kasta oo kamid ah Galmudug loo sameyn doono Golle degaanka, si shacabka ay usoo doortaan hogaamiyaasha ay doonayaan, oo aan dusha looga keenin.