Ciid Wanaagsan!

Nairobi (KON) - Waxaa Caawa Wadamada Muslimiinta looga dhawaaqay in Munaasabadda Ciidul Fidriga ay ku aadantahay Maalinta berito ah (Khamiis).

Maqaallo Keydmedia Online
8 August 2013

Wasaarada Cadaalada, Arrimaha Diinta iyo oowqaafta Soomaaliya ayaa ku dhawaaqday in ay Bari tahay munaasabaddii ciidul fidriga ka dib markii bisha laga arkay meel badan oo ka mid ah dalka Soomaaliya.

Sidoo kale waxaa Berito laga ciidayaa hadii alle idmo, wadamada Sacuudiga, Jabuuti, Malaysiya, Kuwait iyo Inta badan ee Qaarada Africa.

Warbaahinta Keydmedia Online waxey Aqristayaasheeda ugu Hambalyeneysaa Munaasabada Ciida carafa. Ciid Mubaarak, Ciid Mubaarak.

Waa Sanadkii Sadexaad oo ey Keydmedia Online (KON) Aqristayaasheeda ey si kal iyo Laab leh ugu soo gudbineysay Tahniyadda Ciida Barakeysan. Waxeyna KON u rajeyneysaa Guud ahaan Muslimiinta gaar ahaan Muslimiinta Soomaaliyeed oo Mudo Rubuc Qarni kor u dhaaftay dareenkoodu ku noolaa Walaac ka imaanaya Colaada u jeedo badanta ah ee ka Ololeysa Dalkooda Hooyo. 

Waxaana Rajeyneynaa Ciidaan Ciideeda kale iney Carada Dalka Soomaaliyeed isku badasho Nabad iyo Barwaaqo.

Tafaftiraha Guud ee Warbaahinta KON Cali Saciid Xasan ayaa u rajeeyay Shacabka Soomaaliyeed Sanadka kan xiga in ay Nabad, guul barwaaqo iyo horumar ay ku gaaraan.

"Anigoo ku hadlaya Magaca Maamulka Warbaahinta, kan Shaqaalaha iyo kan Taageerayaasha Qiimaha badan ee KON waxaan hanblayo ku aadan Munaasabadda Ciida hawada u marinayaa Shacabka Soomaaliyeed meel walba oo ay joogaan" sidaa waxaa yiri Tafaftiraha guud ee Keydmedia Online - Cali Saciid Xasan.

Dhamaan Shaqaalaha Keydmedia Online oo ku kala sugan dunida daafaheeda waxa ay Hanbalyo kal iyo laab ah u dirayaan Shacabka Muslimiinta ah ee ku nool dunida daafaheeda gaar ahaan Shacabka Soomaaliyeed oo ay u rajeynayaan in alle uu ka dul qaado dhibaatada, Colaada, Gaajada allaheynah noogu badalo Nabad iyo Barwaaqo.

Ciid Mubaarak, Nabad ku Ciid, Ciid Mubaarak!

Keydmedia Online - Editorial Desk - Nairobi