Al-shabaab oo weeraray Qoryooleey

Qoryooley (KON) - Dagaal u dhaxeeya Ciidamada Dowladda Soomaaliya iyo Al-shabaab ayaa Xalay ka dhacay Degmada Qoryooleey ee Gobolka Shabellaha Hoose.

Warar Keydmedia Online
28 March 2014

Wararka ayaa sheegaya in Dagaalka oo socday mudo Saacado ah ay Al-shabaab ku soo qaadeen Fariisimo Ciidamada Dowladda Soomaaliya iyo AMISOM ay ku leeyihiin Degmada.

Dagaalka ayaa waxaa ka dhashay Khasaro dhimasho iyo Dhaawac ah.

Ciise C/risaaq oo ka tirsan Ciidamada Milatariga Soomaaliya ayaa Keydmedia Online u sheegay in ugu yaraan 4 Ruux oo Ciidamada iyo Al-shabaab iskugu jira ay ku Geeriyoodeen Dagaalka Xalay.

Waxaa uu intaa ku daray in ay jiraan Maxaabiis laga qabtay Maleeshiyada Al-shabaab ee Xalay soo Weeraray Degmada Qoryooleey ee Gobolka Shabellaha hoose.

Degmada Qoryooleey ayaa Ciidamada Dowladda Soomaaliya iyo kuwa AMISOM waxaa Todobaad ka hor ay ka Xoreeyeen Maleeshiyada Al-shabaab.

Keydmedia Online - Xafiiska Muqdisho