KEYDMEDIA ONLINE DIB U HABEYN BAA KU SOCOTA
Ciidamada Nabad ilaalinta Midowga Afrika ee AMISOM ayaa degaannada ay kaga sugan yihiin Soomaaliya ka billaabaya gargaar loogu talagalay dadka dan-yarta ah
MUQDISHO, Soomaaliya - Ciidamada Nabad ilaalinta Midowga Afrika ee AMISOM ayaa ka billaabay degaannada ay kaga sugan yihiin Soomaaliya qeybinta gargaar loogu talagalay dadka dan-yarta ah ee aadka u nugul.
Munaasabad lagu daah-furayay barnaamijkan gargaarka ah oo ay ka qeyb gashay wasiirka wasaaradda gargaarka iyo maareynta masiibooyinka Khadiija Maxamed Diiriye ayaa lagu sheegay in dhawaan si rasmi ah looga billaabi doono qeybinta raashiinka kuwaasoo loogu talagalay dadka nugul ee la daalaa-dhacaya nolol maalmeedka.
Ciidamada Nabad ilaalinta ayaa yimid Soomaaliya sanadkii 2007 -dii xilligaas oo dalka qeybo badan oo ay Caasimaddu ku jirto ay joogeen ciidamada kooxda Al-Shabaab, waxayna la galeen dagaallo culus iyagoo ka saaray qeybo badan oo kamida waddanka.
Ciidamada AMISOM ayaa inta badan waxyaabaha loo keeno sida raashiinka, shidaalka iyo hubka waxay ka iibiyaan ganacsato Soomaaliyeed oo si qarsoodi ah uga soo qaada xarumaha ay daggan yihiin.
KEYDMEDIA ONLINE
Add comment
Comments
There are no comments for this entry yet.