AMISOM oo Dad Shacab ah ku Dishay Baledweyne

Baledweyne(KON)-Askari ka tirsan Ciidamada AMISOM,ayaa Goor dhaw Magaalada Baladewyne ku Dilay Qof Rayid ah,Asagoona Dhaawacay Labo kale.

Warar Keydmedia Online
30 March 2014

Wararka ka imaanaya Magaalada Baledweyne ee Bartamaha Soomaaliya ayaa ku waramaya in Ciidamada AMISOM Askari ka tirsan,Gaar ahaan Dowladda Dalka Jabuuti,uu Rasaas ku furay Dad Shacab ah oo Bartamaha Magaalada ku sugnaa.

Hal Qof ayaa Geeriyooday,waxaana sidoo kale Dhaawacmay Labo kale,kadib markii Askarigaasi uu Rasaasta Qoriga Dhashiikaha uu la Dhacay Dadka Shacabkaa.

Max’ed Aamiin C/risaaq Axmed oo ka mid ah Ganacsatada Magaalada Baledweyne ayaa Keydmedia online u sheegay in Askarigaasi oo ku Dhexe jiray Gawaarida AMISOM ee Qafilan uu Rasaasta la dhacay Dadka Shacabkaa.

Waxuu intaa ku daray in Askariga oo la Qabtay uu ku Dooday in ay Rasaasta Dadka oga fikatay oo uusan si Bareer ah ugu Furin Rasaasta.

Ciidamada Midowga Afrika ka socda Ee Soomaaliya jooga ayaa Tacadiyo iyo Dilal intba u geeysta Dadka Shacabkaa ee ku nool Soomaaliya.

Keydmedia online - Xafiiska Muqdisho