AMISOM oo Madaafiic ku Garaacday Deegaanka Muqdisho

Muqdisho (Keydmedia) - In ka badan sadex ruux oo rayid ah ayaa ku dhaawacmay Madaafiic xalay ku dhacday Deegaanka Kaxda ee duleedka Magaalada Muqdishu kadib markii Dagaal xooggan uu Xalay ka dhacay qeybo ka tirsan Degmada Dharkenlay ee Gobolka Banadir.

Warar Keydmedia Online
15 February 2012

Dadkan dhaawacmay ayaa ahaa dhamaan dad rayid ah oo Madaafiicda ugu tagtay Guryahooda ku yaalla Deegaanka Kaxda ayaa la sheegay in ay ahaayeen Haween qaarkood Xaamilo ah,waxaana dhaawacooda la geeyay Saaka Isbitaalada Magaalada Muqdisho.

Odayaasha Deegaanka ayaa Keydmedia u sheegay inay ka cabanaya Dhibaatooyin kasoo gaara dadka rayidka ah marwalbo oo ay dagaallo ka dhacaan Degmada Dharkenlay oo Gacanta ay ku hayso dowldda KMG ee Soomaaliya.

Dadka ku dhaqan deegaanka Kaxda ayaa bilaabay inay kasoo barakacayaan Guryahooda , maadaama Saameyn ay ku yeelanayaan Madaafiicda halkaas ku dhacaysa iyo dagaalada inta badan ka dhaca duleedka degmada Dharkeenleey oo Al-shabab Weeraro kusoo qadaan mararka qaar.

"Runtii hadda Jawiga waa Mid kacsan dadkana waxa ay billaabeen barakac,iyagoo maalaya lugtooda waayo ma hastaan waxyaabaha ay ku barakici lahaayeen,waayo Madaafiic ayaaba nagu socota oo kuma soo Noolaan karma halkan" sidaasi waxaa yiri midkamid ah dadka deggan Deegaanka Kaxda ee Duleedka Muqdisho.

Habeenimadii Xalay waxaa jiray Dagallo iyo duqeymo ka dhacay duleedka degmada Dharkeenleey kuwaa oo u dhexeeyey Ciidamada Dowladda KMG Soomaaliya iyo ururka Al-Shabaab.

Keydmedia.net - Muqdisho