AMISOM oo u dhaqaaqday dhanka Deegaanka Ceesha-Biyaha

Guuto ka tirsan Ciidanka Burundi oo wata Baabuurta Gaashaaman ayaa Saaka fariisimo militeri ka sameystay halka loo yaqaan Sarkuusta oo ku taalla inta u dhaxaysa Xeradii hore ee Asluubta iyo Jaamadacadda Shabelle oo ku dhow deegaanka KM13 ama Tereedishe oo kooxda Al-Shabaab Fariisin u ah.

Waxaa xiran isku socodka dadka iyo Gaadiidka dadweynaha ee isticmaala Wadada u dhaxaysa Muqdisho iyo Ceelasha-Biyaha,iyadoo Rasaas Teel teel ah oo ay ridayeen Ciidamada halkaasi fariisinka ka sameystay ee Burundi.ayaa laga maqlayaa Deegaanka Sarkuusta, inkastoo uu san dagaal halkaasi ka dhicin.

Tallaabadan ayaa imaanaysa xilli Maalintii Shalay Taliska AMISOM uu sheegay in ay Weerari doonaan Degmada Afgooye ee gobolka Shabellaha hoose iyo deegaannada kale ay Al-Shabaab Xoog ku haystaan.

Wixii warar ah ee ku soo kordhay kala soco Keydmedia.net

Keydmedia.net - Xafiiska Muqdisho