Baarlamaanka oo ka Doodaya Maanta Miisaaniyada 2014

Muqdisho (KON) - Baarlamaanka Federaalka Soomaaliya ayaa maanta Magaalada Muqdisho ku yeelan doona kulan looga hadlayo Miisaaniyada Sanadka 2014.

Warar Keydmedia Online
29 March 2014

Kulanka Golaha Baarlamaanka Soomaaliya ayaa waxaa maanta ay ka doodi doonaan Miisaaniyad Sanadeedka 2014 oo Xukumadda Soomaaliya ay soo gudbisay.

Wasiirka Maaliyadda, Xuseen Cabdi Xalane ayaa waxaa lagu wadaa in uu Maanta hortago Baarlamaanka Soomaaliya si uu horgeeyo Miisaaniyada Xukumadda Soomaaliya.

Amaanka Xarunta Baarlamaanka Soomaaliya ayaa si weyn loo adkeeyey, waxaan xiran Wadad Maka Al-mukaramma ee Xarunta Hormarta.

Gudoomiyaha Baarlamaanka Soomaaliya Max’ed sh Cismaan Jawaari ayaa horey ugu baaqay Xukumadda in ay si Deg deg ah ay u soo gudbiso Miisaaniyada 2014.

Golaha Wasiirada ayaa Todobaadkii hore yeeshay kulan gaar ah oo lagu soo bandhigayay Miisaaniyad sanadeedka 2014-2015.

Golaha Wasiirada ayaa mariyay Miisaaniyad sanadeedkan oo cadadkeedu dhan yahay 218 Milyan oo Dollarka Mareykanka ah, una badan filashada dakhliga gudaha ee dalka.

Keydmedia Online - Xafiiska Muqdisho