Banaanbax ka dhacay Muqdisho

Muqdisho (KON) - Dibadbax ballaaran oo lagu Taageerayo Dagaalka Dowladda Soomaaliya ay ku Dhawaaqay ee ka dhankaa Al-shabaab ayaa Maanta ka dhacay Magaalada Muqdisho ee Caasimada Dalka.

Warar Keydmedia Online
23 February 2014

Banaanbaxa ayaa waxaa soo Qaban qaabiyey Wasaarada Haweenka Xukumadda Soomaaliya, waxaana ka soo qeyb galay Raisul wasaaraha Soomaaliya C/wali Sheikh Axmed Max’ed.

Wasiirka Haweenka iyo Xaquuqa iinsaanka Xukumadda Khadiijo Max’ed Diiriye oo Banaanbaxa ka hadashay ayaa sheegtay in Haweenka Soomaaliyeed ay u Diyaar garoobeen Dagaalka ka dhanka ah Maleeshiyada Kooxda Al-shabaab.

Waxaa ay sheegtay Wasiir Khadiijon in Haweenka Soomaaliyeed meelkasta oo ay joogaan ay diyaar u yihiin in ay Dowladda Soomaaliya ay Gacan siiyaan.

Raisul wasaaraha Soomaaliya C/wali Sh Axmed oo kulanka ka hadlay ayaa sheegay  in Dowladda ay ka go’antahay Dagaalka Shabaabka looga saarayo Dalka Soomaaliya.

R/wasaare Cabdi Wali ayaa shacabka oga mahadceliyey Garab istaaga ay Dowladda Soomaaliya ay u muujinayaan,waxaana uu xusay in laga Guuleeysan Doona Al-shabaab.

Waa Dibadbixii ugu horeyey ee lagu Taageerayo Hadalka Dowladda ee ah in Al-shabaab Dalka laga saaro oo ka dhaca Guud ahaan Dalka Soomaaliya.

Keydmedia Online - Xafiiska Muqdisho