KEYDMEDIA ONLINE DIB U HABEYN BAA KU SOCOTA
Guddiga Hirgelinta Doorashada Heer Federal (FEIT), midka Heer Dowlad goboleed (SEIT]) iyo Guddiga Xallinta Khilaafaadka (GXKHDD), ayaa dhankooda qeyb ka ah boobla kuraasta, waxaana indhaha ka daawanaya Ra’iisul Wasaaraha Xukuumadda Xil-gaarsiinta, Maxamed Xuseen Rooble.
MUQDISHO, Soomaaliya – Intii lagu gada jiray todobaadkii 30-aad ee sanadkaan dhamaadka ah, ayaa doorashooyinka dadban laga iba-furay Kismaayo 29-kii July 2021, waana 133 cisho ka hor, taas oo ka dhigan in muddo ka badan 4 bolood ay socoto doorashada 329-ka kursi ee labada gole ee Baarlamaanka 11-aad ee JFS.
Tan iyo xilligaas, waxaa la qabtay doorashooyinka kaliya 80 kursi oo qeyb ka mid ah doorashooyinkooda dib loo celiyay, qaar kalana natiijadooda la hakiyay, waana in ka yar Saddex meelood meel, kuraasta guud ee Baarlamaanka Soomaaliya.
Sida la rumeysan yahay ma jiro kursi loogu tartamay si xalaal ah, ama doorashadiisa loo maray hannaan waafaqsan habraacyada doorashada iyo heshiisyada sharciga ah, taasina waxa ay sababtay in mucaaradka iyo bulshada raidku qaadacaan natiijada guud ee doorashada.
Madaxda Dowladaha Xubnaha ka ah Dowladda Federaalka, oo awood buuxda loo siiyay, maamulka doorashada kuraasta Aqalka sare ayaa kaliya saaxiibadood u xiray baratanka kuraasta, waxayna jid-gooyooyin u dhigteen musharrixiinta kale ee loollanka diyaarka u ahaa.
Mar kale, horjoogayaasha KG iyo GM, [Lafta-gareen iyo Qoorqoor], ayaa jidkii doorashooyinka Aqalka sare qaadsiiyay midda Golaha shacabka, waxayna 17 kursi oo ilaa hadda lagu doortay Baydhabo iyo Dhuusamareeb u boobeen Farmaajo, oo iyaga hore ugu dhacay kuraasta ay ku fadhiyaan.
Shaxdaan hoose, waxa ay Keydmedia Online ku muujineysaa lix kursi oo lagu boobay Baydhabo, kuwaas oo xildhibaannadii ku fadhiyay baarlamaankii 10-aad loo diiday in ay u tartanaan, isla-markaasna loo xiray shaqsiyaad ay Farmaajo iyo Fahad Yaasiin qorteen.
Magaca Musharraxa | Kursiga | Maamulka | Beesha ku suntan | Magaalada |
Max’ed Cismaan Jawaari | HOP103 | Koofur galbeed | Eelay, Mirifle, Raxanweyn | Baydhabo |
Idiris Cabdi Dhaqtar | HOP041 | Koofur galbeed | Luwaay, Mirifle, Raxanweyn | Baydhabo |
Yacquub Cali Max’ed | HOP213 | Koofur galbeed | Wanjeel, Mirifle, Raxanweyn | Baydhabo |
Hani Max’ed Adan | HOP042 | Koofur galbeed | Luwaay, Mirifle, Raxanweyn | Baydhabo |
Iimaan Cabdullahi Cali | HOP170 | Koofur galbeed | Hadamo, Mirifle, Raxanweyn | Baydhabo |
Maxmuud Max’ed Bono | HOP193 | Koofur galbeed | Sheekhaal, Hiraab, Hawiye | Baydhabo |
Dhamaan 11-ka kursi Aqalka hoose ee lagu doortay Baydhabo, lama marin hannaanka saxda ah ee doorashada, hayeeshee, 6-dan kursi, waxaa si rasmi ah loo hor istaagay xildhibaannadii muddo xileedkii hore ku fadhiyay.
Dhanka kale, Madaxweynaha Galmudug Axmed Qoorqoor, ayaa is hor istaagay dhamaan musharixiinti kuraasta kula loollami lahayd shan ruux oo uu u xiray kuraasta Aqalka hoose ee ilaa hadda lagu doortay Dhhusamareeb.
Qoorqoor, wuxuu Saddex ka mid ah, shanta kursi ee doorashadooda lagu qabtay Dhuusamareeb ku soo celiyay xubnihii hore ugu fadhiyay, mid ka mid ah wuxuu ku fariisiyay Dhagey Geelle, oo hore xaaskiisu ugu mataleysay, halka Hop067, uu boobay eedeysane Yaasiin Farey.
Musharraxa loo xiray | Kursiga | Maamulka | Beesha ku suntan | Magaalada |
Yuusuf Geelle Ugaas | HOP026 | Galmudug | Maqalsame, Duduble, Hawiye | Dhuusamareeb |
Yaasiin Cabdullahi Farey | HOP067 | Galmudug | Wacaysle, , Abgaal, Hawiye | Dhuusamareeb |
Xusen Khaasin Y. Iidow | HOP043 | Galmudug | HabarIdinle, Murusade, Hawiye | Dhuusamareeb |
Cabdishakuur Cali mire | HOP054 | Galmudug | Ilmo-adeerro, Mareexan, Darod | Dhuusamareeb |
Mahad Cabdalla Cawad | HOP104 | Galmudug | Salaabeen-Cabdalle, Surre, Dir | Dhuusamareeb |
Soomaaliland; Mahdi Guuleed, ayaa boob ku daahfuray kuraasta gobollada waqooyi, waxaana ilaa hadda la dhacay 11-kursi oo qeyb ka mid ah laga hor istaagay baratamayasha, kuwaas oo Guddiga Xallinta Khilaafaadka uusan cabashadooda waxba ka qaban.
Ma jiro ifa-faalo muuqda oo waddada saxda ah loogu soo celinayo, doorashada, waxaana la filayaa in Golaha Midowga Mushariinta ay dhawan ku dhawaaqaan Gole Qaran oo dalka ka qabta doorasho la isla oggol yahay, taas oo horseedi doonta doorashooyin is barbar socda oo dalka ka qabsooma 2022.
KEYDMEDIA ONLINE
Add comment
Comments
There are no comments for this entry yet.