Ciidamada DKMG & Raaskambooni oo Abaabul Dagaalka kawada Jubbooyinka

Axmed Maxamuud Maxamed Sayid Carab oo ka mid ah Saraakiisha Raasikaamboobi ayaa u sheegay Sxaafadda,isagoo kusugan Duleedka Degmada Afmadow inay duulaan ku yihiin Deegaannada ay maamulaan Al-Shabaab, waxaana uu tilmaamay in Ciidamadooda ay diyaar u yihiin dagaal ay la galaan Shabab.

Sayid Carab waxa uu hadalkiisa intaa ku daray in Ciidamada Dawladda, kuwa Ururka Raaskaambooni iyo kuwa Kenya ee taageeraaya ay iminka diyaar ku yihiin Deegaano ay ka mid yihiin, Xayo, Badhaadhe, Qooqaanni iyo deegaanno kale oo ka tirsan Gobolkaasi.

wuxuu sheegay Sayid Carab in Maleeshiyaadka Al-Shabaab ay ku bartimaameedsanayaan meel waliba oo loogu sheego kaliyana uusan qorshohoodu ahayn inay Al-Shabaab ka saaraan dhamaan Gobolada Jubbooyinka ee Koonfurta Soomaaliya. 

“Wartilmaameedkeenu waa meel waliba oo ay ku sugan yihiin Al-qaacidada Soomaaliya meel waliba hanala kugu sheego waan ku beegsanaynaa xitaa geed hoostiis,”ayuu yiri Axmed Maxamuud Maxamed Sayid Carab oo ka tirsan Saraakiisha Raasikaamboobi ee Jubbada Hoose.

Wuxuu been abuur ku tilmaamay Warar soo baxayey oo sheegayey in Ciidamada Dowladda iyo kuwa Raaskambooniyiinta ee ku sugan Jubbooyinka ay isku dhacsan yihiin, isagoo sheegay in Ciidamadaas hal Cadow oo ah  Al-Shabaab ah ay leeyihiin hal Dhufeysna ay iskula jiraan sida uu yiri.

Gobolka Jubbada Hoose Bilahii lasoo dhaafay waxaa ka jiray Guluf Colaadeed, kaasi oo u dhexeeya Ciidamada Dowladda Soomaaliya, Raaskambooniyiinta oo garabka ka helaaya kuwa Kenya iyo Al Shabaab oo dhinac ka soo jeeda, iyadoo dhawaana lagu wado inay Deegaannadaasi ay gaaraan Ciidamo ka socda Dowladda Ethiopia.

Keydmedia.net - Xafiiska, Muqdisho