Ciidamado ka soo Goostay Dagaal-ooge Gaandi & Mashruuci Azania oo Fashil ku dhaw

Arrintaan ayaa ka dambeysay Khilaaf xooggan oo soo kala dhexgalay Dagaal-ooge Gaandi iyo Odayaasha Beesha Absame kaasoo yimid markii Gaandi uu isku dayay inuu isku gaar yeello awooda iyo talada gobbolada Jubbooyinka ayadoona arrintaasi ay sababtay in Gaandi uu waayo kalsoonidii iyo taageeradii Odayaasha Absame.

Odayaasha Absame ayaa ku goodiyay in Gaandi ay kala soo bixi doonaan dhamaan Ciidamada ku abtirsada magaca Absame, sida uu Keydmedia u xaqiijiyay midka kamid ah saldanada Absame.

Saacadihii ugu dambeeyay waxaa jiray in kabadan 300 oo askari iyo agabkoodii Militari ee ay wateen inay ka soo goosteen fariisimihii laga maamuli jiray Ciidamada Gaandi iyagoona ku soo biiray dhanka saldhigyada Ciidamada TFG-da iyo kuwa Ururka Raaskaambooni.

Mashruucii Azania ee uu Gaandi lacagta badan ku soo qaatay ee uu doonaayay inuu dalka ku bur buriyo ayaa hadda maraayo meel gebageba ah waxaana aad loo hadal hayaa in mashruca Gaandi uusan sii socon doonin.

Keydmedia.net - Xafiiska, Kismaayo