Dagaal Ka Dhacay Deegaanka Kulbiyow iyo Shabaab oo Weerarka Soo Qaaday

Dagaalka oo ahaa mid xooggan ayaa waxaa soo qaaday Maleeshiyaad ka tirsan kooxda Shabaab kuwaasoo weerar xooggan ku soo qaaday fariisimaha Ciidamada Dowladda Soomaaliya ee deegaanka Kulbiyow.

Ilaa hadda inta la xaqiijiyay 10 qof oo dhanacyadii dagaalamay ah ayaa ku dhintay dagaalkaasi, ayadoo khasaaraha dhaawacana uu intaasi ka badanyahay.

Saraakiisha Ciidamada Dowladda Soomaaliya oo ka hadlay dagaalkaasi ayaa guullo kala duwan ka sheegtay.

Xaalada deegaanka Kulbiyow hadda waa ay deggan tahay waxaana gacanta ku haya Ciidamada Dowladda Soomaaliya.

Kooxda Shabaab walia kama aysan hadlin dagaalka ay saaka ku qaaday deegaanka Kulbiyow.

Keydmedia Online -Xafiiska, Kismaayo