Dagaal Kale oo Ka Qaraxy Inta U Dhaxeysa Janaa-cabdalle Iyo Kismaayo

Ciidamada huwanta ah Dowladda Soomaaliya, Raaskaambooni, iyo Kenya ee ku suggnaa Janaa-cabdalle ayaa saaka dhanka Kismaayo u soo dhaqaaqay kadib markii ay ka war heleen in Ciidamo kale oo isla iyaga ka tirsan oo dhanka badda ka yimid ey weerar ku soo qaadeen Kismaayo, waxaana ujeedka Ciidamadaan la sheegay inuu ahaa sidii ay culeys u saari lahaayeen difaacyada Shabaab ee ay ku difaacanayaan magaalada Kismaayo.

Dagaalka ayaa hadda si xowli ah ku socda, waxaana la isku adeegsanayaan hubka noocyadiisa kala duwan.

Kooxda Shabaab oo warar ku saabsan dagaalka dhanka Janaa-cabdalle ku soo daabacay waxaa ay sheegeen inay dagaalkaasi ku gubeen baabuur dagaal oo ay lahaayeen Ciidamada Kenya.

Keydmedia waxay akhristayaasheeda sharafta leh u ballan qaadeysaa inay daqiiqad kasta u soo tabiso wararkii ugu dambeeyay ee Kismaayo

Keydmedia Online -Xafiiska, Muqdisho