KEYDMEDIA ONLINE DIB U HABEYN BAA KU SOCOTA
Fiqi ayaa xilka Wasiirka amniga Galmudug iska-casilay Oct 2021 kadib markii ay is-khilaafeen Madaxweyne Qoor-Qoor, oo Kursigiisa Xildhibaan-nimo inuu kusoo noqdo u diiday.
MUQDISHO, Soomaaliya - Wasiirka Arrimaha Gudaha Axmed Maclin Fiqi ayaa Garoonka Aadan Cadde kusoo dhaweeyay Madaxweynaha Galmudug Axmed Cabdi Kaariye Qoor-Qoor.
Labadooda waxay isku ahaayeen dab iyo baasiin, oo waxaa ka dhaxeeyay khilaaf xooggan oo socday tan iyo Oct 2021 markii Fiqi iska-casiley xilka Wasiirka Amniga maamulka Galmudug.
Hadda waxuu waqtiga isagu keenay labadooda munaasabad kale, oo ka duwan tii hore, iyadoo Fiqi yahay Wasiir heer Federaal ah, iyadoo uu helay wax ka wayn wixii kula dagaalay Qoor-Qoor.
Fiqi ayaa loo xil-saarey isaga iyo Wasiiro kale soo dhaweynta Qoor-Qoor iyo Madaxda Maamullada, ee ka qeybgalaya Shirka berri ka furmaya Villa Somalia, oo Xasan Sheekh gudoomin doono.
Siyaasadda saaxiib ama cadow joogto ah midna ma lahan, kuwa shalay cadow ahaa baa maanta saaxiib ka dhigtaa, iyadoo taasi tahay sunadda dowladnimada, oo horey looga gudbo wixii shalay dhacday, si aan Mustaqbalka looga mashquulin.
KEYDMEDIA ONLINE
Add comment
Comments
There are no comments for this entry yet.