Ganacsade lagu Dilay Kismaayo

Kismaayo (KON) - Koox Hubeeysan ayaa Saaka Magaalada Kismaayo ku dilay Ganacsade ka mid ahaa Dadka Magaalada Kismaayo, gaar ahaan Xaafada Calanleey ee Magaalada.

Warar Keydmedia Online
23 February 2014

Wararka ayaa sheegaya in Rag ku labisan Dharka Maleeshiyada Kooxda Raas kambooni ay Dileen Nin Ganacsade ahaa oo lagu Magacaabi jiray Saciid Yuusuf, kaas oo Xaafada Calanleey ku lahaa Dukaan Bagaashka lagu iibiyo.

Dilka ayaa waxaa fuliyey Dableey ka kooban Shan Ruux oo la sheegay in ay yihiin Maleeshiyada Axmed Madoobe, kuwaas oo aan la ogeen u jeedka ay u dileen.

Sidoo kale Xaafada Farjano ee Magaalada Kismaayo ayaa waxaa lagu Dhaawacay Ruux Rayid ah oo ka mid ahaa Dadka Xaafada Farjano, kaas oo Dabley hubeysan ay Rasaas ku fureen Gaari uu watay, kadibna uu Dhaawac soo gaaray.

Magaalada Kismaayo ayaa waxaa ku soo batay Dilalka Qorsheysan iyo Qaraxyo ka dhacaya Magaalada, ayadoona Shalay Magaalada uu ka dhacay Qarax loo dhigay Horjooge ka tirsan Kooxda Axmed Madoobe.

Keydmedia Online - Xafiiska Muqdisho