Garoonka Diyaaradaha Kismaayo oo la Weeraray

Kismaayo (KON) - Dagaal u dhaxeeya Ciidamada Kenya iyo Raas kambooni oo isku dhinac ah iyo Al-shabaab ayaa Xalay ka dhacay Magaalada Kismaayo.

Warar Keydmedia Online
26 March 2014

Waxaa dagaalka uu ka dhacay Garoonka Diyaaradaha Magaalada Kismaayo iyo Xaafada Fii-afmadoow ee Magaalada Kismaayo.

Goobjoogeyaal ayaa Keydmedia Online u sheegay in Dagaalka ay soo qaadeen Al-shabaab islamarkaana ay Weerara Madaafiic ah ku qaadeen Garoonka Kismaayo.

Khasaaraha Dhimasho iyo Dhaawac ee Dagalka Xalay ayaan la sheegin, waloow ay jiraan Dhimasho iyo Dhaawac soo kala gaaray Labada dhinac ee Dagaalamay.

Kenya iyo Raas kambooni midna kama hadlin Dagaalka Al-shabaab ay Xalay ku soo qaadeen Magaalada Kismaayo ee Gobolka Jubbada Hoose.

Al-shabaab ayaa tiro dhowr jeer ah Weeraro nuucaan oo kale ah ku qaaday Magaalada Kismaayo oo ay Maamulaan  Ciidamada Kenya iyo Jamhada Raas kambooni.

Keydmedia Online - Xafiiska Muqdisho