Goorma ayuu RW Xamse Wasiiradiisa horgeynayaa Baarlamaanka?

Todobaadkii tagey ayuu Ra'iisul Wasaaraha ku dhawaaqay Gollaha Wasiiradda, iyadoo la filayo in Xildhibaanada ay siiyaan codka Kalsoonida.

Warar Keydmedia Online
Goorma ayuu RW Xamse Wasiiradiisa horgeynayaa Baarlamaanka?

MUQDISHO, Soomaaliya - Gollaha Wasiiradda ayaa berri, Axad, August 7 la horgeyn doonaa Baarlamaanka, oo codka kalsoonida waydiisan doona Xildhibaanada Labada Aqalka.

Berri oo  Axad ah, taariikhdu tahay 7 August, waxaa jira kulanweynihii  Golaha Shacabka ee Baarlamaanka Faderaalka Soomaaliya. Agendaha. U codeynta  kalsooni siinta Xukuumadda magacaaban iyo barnaamijkeeda," ayaa lagu yiri qoraal loo diray Xildhibaanada.

Todobaadkii tagey ayuu Ra'iisul Wasaaraha ku dhawaaqay Gollaha Wasiiradda, iyadoo la filayo in Xildhibaanada ay siiyaan codka Kalsoonida, maadaama xubnaha magacaaban intooda badan ay kamid yihiin Baarlamaanka.

Xasan Sheekh ayaa sugaya ansixinta Xukuumadda, maadaama uu safar u yahay dalka Uganda, oo 9-ka illaa 10-ka bishan ku maqnaan doona, isagoo la shir gudoomin doona Museveni madasha ganacsiga labada dal, sida ay Keydmedia Online ogaatey.

Gollaha Wasiiradda cusub waxay ka kooban yihiin 26 wasiir, oo uu ku jiro Mukhtaar Roobow, oo laga dhigay Wasiirka Diinta, iyadoo magacaabistiisa ay dhalisay hadal-heyn xoog leh gudaha iyo dibadda dalka, waxaan aad wax uga qorey warbaahinta reer galbeedka.

KEYDMEDIA ONLINE

    There are no comments for this entry yet.




Warar 11 August 2022 17:15

Washington waxa ay carrabawday in burburka wadahadallada iyo guuldarada in heshiis laga gaaro arrimaha doorashooyinka ay khatar ku tahay guulaha Somaliland ka gaartay dimuqraadiyadda, taasoo muujineysa farriin ku socota xukuumadda talada heysa.