Guddi loo xil saaray in ay soo baaraan dilkii Sheekh Cali Dheere

Madaxweynaha dowlad goboleedka Galmudug Axmed Qoorqoor ayaa magacaabay guddi xaqiiqo raadin ah oo soo baara dilkii loo geystay AUN Samafale Sheekh Cali Dheere oo lagu dilay magaalada Gaalkacyo.

Warar Keydmedia Online
17 May 2021

GAALKACYO, Soomaaliya - Wareegto kasoo baxday Xafiiska Madaxweynaha Galmudug ayaa lagu magacaabay Guddi xaqiiqo raadin iyo baaris ku sameeya falkii afduubka iyo dilka loogu geystay Allaha u naxariiste Sh. Cali Axmed Faarax (Sh. Cali Dheere) oo ka tirsanaa culumada Soomaaliyeed iyo dadka ka shaqeeya samafalka oo ka howlgali jiray gobolka Mudug. 

Madaxweynuhu wuxuu magacaabay guddiga hoos ku xusanyihiin:-

1. Avv Muumin Xuseen Cabdulaahi (Guddoomiye)
2. Avv Cabdixakiin Maxamed Xirse  (Guddoomiye kuxigeen)
3. Saciid Maxamuud Jimcaale          (Xogheyn)
4. G/Dhexe Maxamuud   Axmed Maxamed (Cawil) (Xubin)
5. X/LE Ciise  Axmed Cali   (Xubin)
6. Cabdi Jaamac Cabdulle (Xubin)
7. C/risaq Khaliif Aaden  (Xubin)

Magacaabista guddigaan ayaa dhaqangaleysa marka uu saxiixo madaxweynuhu waana uu saxiixay.

Falka lagu dilay AUN Marxuum Cali dheere ayaa aad loo cambaareeyay, bulshada ku dhaqan magaalada Gaalkacyo ayaa dareenkooda ku muujiyay isku soobax ay ku doonayaan in Marxuumku uu caddaalad helo.

KEYDMEDIA ONLINE