Gudoomiyaha Degmada Waaberi Oo Muddo Bil Ah U Xiran Garoonka Cayaaraha (Warbixin)

Axmed Meere Makaraan (Axmed Faal) oo ah Gudoomiyaha Degmada Waaberi ayaa la sheegay in uu si adag u hor istaagay isla markaana albaabada isugu dhuftay cayaarihii kala duwanaa ee ka socday Garoonka Caalamiga ee uu lee yahay degmada Waaberi, taasoo sida la wada og yahay buu halboole u ahaa dhalinta degmadaasi ku dhaqan iyo waliba ku ku soobooqda ee halkaasi u yimaad si ay cayaaro nabadeed ugu soo bandhigaan.

Warar kale ayaa sheegaya in uu gudoomiyuhu uu halkaasi uu kasameeyay waxyaabo ka baxsan sharciga, waxaana sida laga warhayo in degmadaasi ka dhacay banaanbaxyo laga soo horjeedo maamulka Degmada maadaama dadka deegaanka ay cabanayaan dhinacyo badan oo ay xitaa kamid tahay in ciidanka degmada qaar ay dhac u gesytaan dadka rayidka ah ee halkaasi degan.

Macada sababta rasmiga ah ee uu gudoomiyuhu u xirtay garoonka kubada cagta ee degmada Waaberi wallow ay jiraan warbixino sheegaya in uusan gudoomiyuhu uusan jeclen Sport-ka, hase ahaatee waxaa arintaani walaac ka muujiyay dhalinyarada degmadaasi, waxaana ay ugu baaqeen maamulka gobolka Banaadir in ay arintaani wax ka qabtaan

Hadii uu sii xirnaado Garoonka waxaa imaan doonta rabshado iyo dhibaatooyin adag ku waasoo maamulka degmada ay ku waana qaadan doonaa sidaana waxa yiri mid kamid ah dhalinyarada xaga cayaaraha ee degmada waaberi.

Sidoo kale waxaa jira banaanbaxyo ay dhalinyarada degmada ay soo qabanqaabiyeen kuwaasoo mujinaayay sida uu dareenkoodu yahay.

Waa markii ugu horeysay oo gudoomiye degmo muddo ku siman bil uu u xirnaado garoon cayaareed isla markaana ay dhalinyaradu ku cayaaraan, hase ahaatee waxaa isweydiin leh maxey tahay sababta ka danbeysa in uu gudoomiye degmo uu xirto garoon lagu cayaaro.

Keydmedia.net - Xafiiska Muqdisho