KEYDMEDIA ONLINE DIB U HABEYN BAA KU SOCOTA
Ciidankii ugu horeeyay ee yimid dalka waxay ahaayeen kuwa Uganda 2007, waxaana ku xigay Burundi.
NEW YORK - Gollaha Amniga ee Qaramada Midoobay ayaa u codeeyay Khamiistii in loo cusbooneysiiyo howlgalka Midowga Afrika ee Soomaaliya (AMISOM), oo ah Ciidan nabad ilaalin ah oo markii ugu horeysay la geeyay dalkan dhaca Geeska Afrika sanadkii 2007.
Qaraarkan oo UK u gudbisay Gollaha ayaa aad loo taageeray, iyadoo dhammaan xubnaha si aqlabiyad leh ku ansixiyeen in waqtiga loo kordhiyo howlgalka ka socda dalka ee lagula dagaalamayo Al-Shabaab.
Howlgalka Midowga Afrika ee UN-ka ogolaanshaha ka haysta, wuxuu ka shaqeynayaa sidii loo dhisi lahaa awoodda Ciidan ee Soomaaliya, lana soo celiyo nabada iyo deganaashaha dalka oo mudo 30 sano dagaallo kusoo jiray.
AMISOM waxay ka kooban tahay 22,000 oo askari, Ciidamada waxay ka socdaan Kenya, Itoobiya, Uganda, Burundi iyo Jabuuti.
Zambia, Uganda, Ghana, Kenya, Nigeria iyo Sierra Leone ayaa ah lixda waddan ee booliska ku deeqay. Boolisa AMISOM waxay tababar siiyaan kuwa Soomaaliya.
AMISOM ayaa taageero ka siinaysay dowladda Soomaaliya la dagaalanka kooxda argagixisada ah ee Al-Shabaab tan iyo Janaayo 19, 2007.
KEYDMEDIA ONLINE
Add comment
Comments
There are no comments for this entry yet.