Howlgal ballaaran oo Saakay ka socda Degmada Marka

Marka (KON) - Wararka ka imaanaya qaar kamid ah xaafado ka tirsan degmada Marka ee gobolka Shabeelaha Hoose ayaa ku soo waramaya in howlgal balaaran Saakay uu ka bilowday degmadasi.

Warar Keydmedia Online
19 August 2013

Wararka ayaa intaa waxa ay ku darayaan in ciidamada milateriga kuwa booliska Soomaaliya iyo AMISOM oo ay iskaashana ay wadaan howgalkasi.

Hadafka howgalka ayaa dadka degaanka waxa ay ku sheegen mid lagu baadi goobayo rag ka tirsan Kooxda Al-shabab oo ku dhuumaalesanaya Degmada Marka.

Lama oga ilaa iyo hada oo ay howgaladu soconayaan inta qof ay ciidamadu gacanta kusoo dhigeen.

Dadka ayaa weli la sheegaya inay ku jiraan guryahooda wax dhaq dhaqaaq ganacsina kama jiro degmadasi.

Maamulka Degmada Marka ee gobolka Shabeelaha Hoose ayaa waxa uu Asbuuci hore, Bandow socon doona ilaa iyo 10-casho kaga dhawaqay gudaha Degmadasi.

Keydmedia Online - Xafiiska Muqdisho