Hub Farabadan oo Nabadsugidu soo qabatay

Moqadisho (KON) - Ciidamada Degmada Lafoole ayaa Gacanta ku dhigay Hub iyo walxaha qarxa oo ay Kooxda Shabaabku ku qarsanayeen Goobo kala duwan ee Degaanka Ceelasha.

Warar Keydmedia Online
27 November 2012

Guddoomiye ku xigeenka Maamulka Degmada Lafoole C/salaan C. Aadan ayaa Wariyaha Keydmedia u sheegay in ay Ciidamada Nabadsugidu Gacanta ku soo dhigeen Hub Farabadan oo ay ku jiraan walxaha Qarxa oo Kooxda Shabaab ku Xabaasheen Guri ku yaala Deegaanka Ceelsha Biyaha oo uu leeyahay Ganacsade si fiican Degaanka looga yaqaan.

C/salaam ayaa hadalkiisa ku soo xiray Mahad waxaa iska leh Illahay iyo Muwaadininta Soomaaliyeed oo nala shaqeeyey.

Waxuu yiri C/salaan ‘’ Dadka Deegaanka ayaa nala shaqeeyey oo Gacan nagu siiyey meelaha ay Argagixisadu ku dhuuntaan kuna keydsadaan wax yaalaha ay wax ku Kharibaan oo lidka ku ah Aadamiga”.

Waxuu kalo sheegay in Ciidamada Amisom ay Gacanta ku soo dhigeen Hub kale oo Fara badan.

Keydmedia Online - Xafiiska Muqdisho