Iran oo Gargaar usoo diraysa Soomaaliya

Agaasimaha guud ee Hay’adda Laanqeyrta cas ee dalka Iran Maxamud Musafar ayaa shaaca ka qaaday in Iran ay   Somaliya  u soo dirayso markabkii 15 oo sida Shixnado gargaar oo qeyb ka ah deeqaha dowaldda Iran ay ugu tala gashay shacabka ku tabaaleysan qeybo ka mida wadanka Somaliya.

Isaga oo  u waramayay Wakaalada Wararka IRAN ee layiraahdo Fars News Agency Agaasimaha guud ee Hay’adda Laanqeyrta cas ee dalka Iran Maxamud Musafar ayaa sheegay in markabkaan oo nooca xamuulka ah uu kusoo wajahan yahay  Wadanka Somaliya maalmaha soo socda kaasoo sida shixnado Gargaar ah,  waxuuna sheegay Agaasimahu in gargaarkaasi uu si toosa u gaari doono dadka ku tabaalaysan dalka.

Dowalada Iran ayaa ka mid ah dowladihii ugu horeeyay ee u soo gurmaday xiligii abaaraha ay ku dhufteen wadanka Somaliya sanadkii hore 2011.

Keydmedia - Xafiiska, Muqdisho