KON Exclusive: Sheekh Shariif oo Waji Gabax aad u daran kala kulmay Prof. Jawaari

Kulanka oo ka dhacay xarunta Madaxtooyada Villa Soomaaliya ayaa waxaa uu Shariif kala hadlay mudane Jawaari sidii uu gacan ugu siin lahaa inuu markale noqdo Madaxweynaha Soomaaliya.

Gudoomiyaha Baarlamaanka Jawaari ayaa Sheekh Shriif u sheegay inuu isagu la shaqeyn doonin qofkuu doono ha ahaadee midkii loo soo doorto Madaxweyne, balse uusan isagu hadda Shariif ku gacan siin karin inuu markale Madaxweyne noqdo.

Musharx Sheekh Shariif ayaa waxaa uu sidoo kale Prof. Jawaari uu kala hadlay sababta uu u hor taaganyahay Xubnihii u badnaa qal qablayaasha ee dhankiisa ka socday ee Baarlamaanka loo diiday, isagoona Shariif Jawaari ugu baaqay in xubnahaasi uu u ogalaado kamid noqoshada Baarlamaanka.

Prof. Maxamed Sheekh Cusmaan Jawaari Guddoomiyaha Baarlamaanka ayaa arrintaasu kaga jawaabay in Baarlamaanka cusub aan lagu dari doonin dad denbiyo kasoo galay umadda Soomaaliyeed.

Sikastaba, kani waa waji gabixii ugu darnaa ee soo mar Shariif Sheekh Axmed intii uu dhadhamiyay Siyaasada Soomaaliya.

Keydmedia Online -Xafiiska,Muqdisho