Kooxda Shabaab oo Isaga Baxday Magaalada Jowhar

Xaalada magaalada Jowhar ayaa kacsan, waxaana ay dadka ku nool magaaladu saaka ku waabariisteen iyadoo uusan jirin wax maamul ah oo magaalada ka arrimiya.

Ciidamada Dowladda Soomaaliya iyo kuwa AMISOM oo saaka ka soo dhaqaaqay deegaanka Qalimow ayaa hadda soo gaaray duleedka magaalada Jowhar.

Ilaa iyo hadda ma cadda halka ay aadeen Maamulkii iyo horjoogayaashii kooxda Shabaab, hasayeeshee wararka qaar ee na soogaaraya ayaa sheegaya inay ku sugganyihiin meel aan sidaasi uga fogeyn magaalada Jowhar.

Magaalada Jowhar ayaa kamid ahayd meelaha ay ku xooganayeen kooxda Shabaab mudaddii ay dalka ka arrimineysay.

Keydmedia.net Kala soco wararkii ugu dambeeyay ee xaalada Jowhar iyo xaalada dalka.

Keydmedia Online -Xafiiska,Muqdisho