M/Soomaaliya oo rajo aad u wanaagsan ka muujiyay shirka London

Xasan Sheekh Maxamuud ayaa sheegay in dowlada ay wadahadalo toos ah la yeelatay dhamaanba maamulada ka jira wadanka idla markaana ay waxyaabo badan isku afgarteen.

Wuxuu sheegay madaxweynaha in dowladiisa ay doonayso inay isku keento dhamaanba maamulada dalka oo ay dowlada si wanaagsan ula shaqeeyaan.

Sidoo kale madaxweynuhu wuxuu rajo wanaagsan ka muujiyay shirka London wuxuuna sheegay in shirkaasi uu rajaynayo in ay ka soo baxaan qodobo muhiim ah oo Soomaalida wax badan u taraya.

Madaxweyne Xasan Sheekh ayaa carrabka ku adkeeyey in dowlada uu madaxda ka yahay ay soo dhaweyneyso cid walba dooneysa iney fikir iyo talo ku biiriso,madaxweynaha ayaa ku celceliyey in bulshada Soomaaliyeed looga fadhiyo iney soo afmeeraan khilaafka ka dhexjira,isla markaane ay wax walba ku dhameystaan wada hadal iyo is af-garad.

keydmedia Online xafiiska Muqdisho