Maamul Qabyo ah oo loo Magacaabay Degmada Afmadow

Gudoomiyaha Maamulka Degmada Afmadow ayaa waxaa loo magaaabay C/xakiim Cumar Xaaji oo ka tirsan Ururka Raaskaambooni, balse markii hore ka yimid wadamada Qurbaha.

Axmed Madoobe hogaamiyaha Raaskaambooni ayaa warbaahinta Keydmedia u sheegay in magacaabista Gudoomiyaha cusub ee magaalada Afmadow ay timid kadib wada xaajood iyo falanqeyn dheer oo ay yeesheen Ugaasyada, Odayaasha iyo Siyaasiinta deegaanmka.

C/xakiim Cumar Xaaji Gudoomiyaha cusub ee Afmadow taariikh badan oo ku saabsan shaqooyinkiisa iyo aqoontiisa weli ma aanu helin.

Inkastoo Gudoomiyahaan la magacaabay haddana waxaa soo baxaya guux aad u weyn kaasoo looga soo horjeedo magacaabista qaabka Maamulkaan loo magacaabay, waxaana soo baxaya dad deegaanka u dhashay oo ka soo horjeeda magacaabista.

Keydmedia.net - Xafiiska, Kismaayo