Maleeshiyaad Kooxda Shabaabka oo ku dagaalamay Duleedka Afmadow

Dagaalkaan ayaa bilowday kadib markii Horjooge cusub oo uu Mr. Axmed Godane u soo magacaabay degmada Afmadow ee gobbolka Jubbada Hoose oo magaciisa lagu soo koobay Sheekh Khaalid iyo horjoogihii hore uu khilaaf xooggan soo kala dhexgalay taasoo markii dambe dhalisay inay rasaas isku bilaaban Malabada Maleeshiyo ee kala taageersan labada horjooge.

Ilaa hada inta la xaqiijiyay 3 ka tirsan Maleeshiyaadkii la safnaa horjoogaha cusub ee dhawaan uu soo magacaabay Dhagar-qabe Axmed Cabdi Godane ayaa ku dhimatay dagaalkaasi waxaana ku dhaawacmay ilaa 5 kale oo labada dhinac ka kala tirsan.

Wararka anynu Afmadow ka helayno ayaa waxaa ay sheegayaan in Maleeshiyaadkii iyo horjoogahoodii uu soomagacaabay Godane laga cayriyay magaalada iyagoona ku soo laabtay magaalada Kismaayo. Xaalada ayaa wali kacsan waxaana jira warar hoose oo sheegaya in Maleeshiyaadka la soo raacdaystay ay Kismaayo u doonteen ciidamo iyo hub dheeri ah.

Keydmedia.net , Xafiiska, Kismaayo