Kooxda Shabaab oo Kismaayo Dhalinyarada si Qasab ah Dagaalka ku Galinaya

Maleeshiyaadka ayaa bilaabay inay masaajidyada si xoog ah ku galaan islamarkaana ay si qasab ah ku kaxeeyaan dhalinyadarada ku cibaadeysanaysa Masaajidyada magaalada, ayadoona qeybaha kala duwan ee waalidiinta ay walaac aad u daran ka muujiyeen tilaabadaan ay ku kacayaan Maleeshiyaadka Shabaabka.

Maleeshiyaadka ayaa sheegay in mudo badan ay dhalinyarada magaalada ugu baaqayeen inay dagaalka Jihaadka ah ka qeyb qaataan.

Horjoogaha kooxda Shabaabka ee magaalada Kismaayo Sheekh Xasan Yacquub ayaa dhowaan waxaa uu Idaacada ku hadasha afka Shabaabka ka sheegay inay waajib tahay in dhalinyarada hadii ay diidaan inay jihaadka ka qeyb galaan si qasab ah lagu galiyo,sida uu hadalka u yiri.

Keydmedia.net - Xafiiska, Kismaayo