Maxaa keenay cabsida hareysay Lafta-gareen?

Wal wal lixaad leh ayaa hareeyey hoggaamiyaha Koonfur Galbeed Cabdicasiis Lafta-gareen, kaas oo baqdin ka muujinaya inuu waayo kursiga.

Warar Keydmedia Online
28 May 2022

MUQDISHO, Soomaaliya- Cabdicasiis Lafta-gareen ayaanan hurdo ladin, tan iyo markii daaqada laga tuuray maafiyadii uu hor boodayey Farmaajo.

Hoggaamiyaha Koonfur Galbeed ayaa wal walka kala kulmaya, kacdoon ay wadaan siyaasiyiin ka soo jeeda maamulkaas, kuwaas oo ku sugan Muqdisho.

Qaar ka mid ah xubnaha ka soo horjeeda siyaasadda Lafta-gareen ayaa gaaray Baydhabo, iyagoo saaxiibo dhaw ka sameystay saraakiisha amniga u qaabilsan Lafta-gareen.

Culeyska ugu weyn ayuu Lafta-gareen kala kulmayaa arrinta la xiriirta Muqtaar Roobow, kaas oo la filayo in dhawaan la soo daayo.

Madaxweynaha talada haya, ayaa aamisan in Roobow lagu heysto afduub, iyadoo sii deysmadiisa ay dhalin karto is-baddel muuqda oo ku yimaada hoggaanka Koonfur Galbeed.

KEYDMEDIA ONLINE