Meydadka Ciidamo ka tirsan Kenya oo lagu Jiidjiidayo Wadooyinka Kismaayo

Tirada meydadkaan oo gaaraya 4 Qof ayaa waxaa ay kala yihiin labo Kenyaan ah iyo labo Soomaali ah waxaana afartaan qof ay ku dhinteen dagaal kharaar oo shalay ka dhacay deegaanka Miido oo 90KM u jira magalada Kismaayo.

Waddooyinka magaalada ayaa haatan lagu jiid jiidaayaa meydadka Ciidanka Kenya ee lagu dilay dagaalkii shalay galab ka dhacay deegaanada Janaay Cabdalla,Biibi iyo Miido ee gobolka Jubbada Hoose.

“Dadkii magaalada oo dhan waxay soo tubteen hareeraha waddooyinka, aniga waxaan arkay meydadka afar askari oo wata tuutaha Ciidamada Kenya, iyo Soomaaliya gaari kasoo qaaday goobta lagu dilay ayaa keenay waddada laamiga ee kasoo baxda xaafadda Somali Star ee magaalada Kismaayo”, ayuu yiri qof goobjooge ah oo la hadlay Keydmedia Online.

Kooxda Shabaab si rasmi ah wali ugama aysan hadlin meydadka maanta lagu jiid jiidayo.

Keydmedia Online -Xafiiska Kismaayo