KEYDMEDIA ONLINE DIB U HABEYN BAA KU SOCOTA
Wuxuu sidoo kale balan-qaadey magacaabista Golle Wasiiro oo tayo leh, oo wax ka qaban kara xaaladaha adag ee ka jira dalka, sida amniga, dhaqaalaha iyo abaarta.
MUQDISHO, Soomaaliya - Ra'iisul Wasaaraha cusub ee Soomaaliya Xamza Cabdi Barre, ayaa Maanta helay codka kalsoonida Baarlamaanka Federaalka kadib magacaabistii 15-kii bishan.
Isagoo khudbad u jeediyay Baarlamaanka, Xamza ayaa u balan-qaadey Xildhibaanada inuu qaar badan oo kamid ah kusoo dari doono Gollihiisa Wasiiradda, oo dhawaan laga sugayo.
Hadalkiisa ayaa waxuu soo jiitay sacab, maadaama Xildhibaanada damac uga jiro inay Wasiiro noqdaan, taasoo ku qasabaysa inay codka kalsoonida siiyaan Ra'iisul wasaaraha.
RW Xamza ayaa sheegay inuu soo dhisayo Xukuumad tayo leh, oo wax ka qaban kara xaaladaha adag ee ka jira dalka, sida amniga, dhaqaalaha iyo abaarta, oo malaayiin qof saameysay.
Baarlamaanka ayaa la horkeeni doonaa Gollaha Wasiiradda marka la magacaabo, waxaana liiska la filayaa inay Xildhibaanno kasoo muuqdaan, kuwaasoo Xasan Sheekh u codeeyay May 15.
KEYDMEDIA ONLINE
Add comment
Comments
There are no comments for this entry yet.