Nabadsugida Qaranka oo Qabatay Dhaliyaro & Hubkoodii

Moqadisho (KON) - Nabadsugidda Qaranka ayaa soo Saxaafada u soo Bandhigtay Meyd lagu sheegay Horjooge ka tirsanaa Kooxda Shabaab. Waxaay kaloo soo Bandhigeen dhalinyaro 16 Qofood iyo Hubkoodii waxayna Ciidamada Nabadsugidu hawl galkaas ka sameeyeen Xaafadda Suuqa Xoolaha ee Degmada Yaaqshiid.

Warar Keydmedia Online
22 November 2012

Taliyaha Nabadsugidda Gobolka Banaadir Khaliif Axmed Ereg oo la hadlay saxaafadda ayaa sheegay in Ciidamadu ay heleen xog ku saabsan in horjoge  C/nuur Gacmoole “Gardhuub” oo ah Ninka la Dilay iyo Maleeshiyaad uu watay ay hub ku heysteen Xaafad ka mid ah Muqdisho, Ciidamaduna ay ku soo Qabteen Kooxdaas Hawlgalo ay ka wadeen Degaankaas.

Ninkan la Dilay ayuu sheegay Taliye Ereg inuu isku dayey in uu la Dagaalamo Ciidamada ka dibna la Toogteen Ninkaas.

C/risaaq Ibraahin Salaad oo ka mid ah dhallinyaradii la soo qabtay ayaa sheegay in maleeshiyaadkaani ay gurigiisa hubka dhigan jireen, hadii aan kadiidi lahaana waa ay idili lahaayeen sidaas waxaa yiri C/risaaq I. Salaad.

Keydmedia.Net