Nin watay Waxyaabaha Qarxa oo Galabta lagu toogtay Baydhobo

Taliyaha Saldhigga Booliska ee Magaalada Baydhabo Adan Biid, ayaa u sheegay Warbaahinta in Ciidamada DKMG ah ee Soomaaliya ee ku sugan Magaaladaasi  ayaa Saacadihii u dambeeyay ay toogteen Nin  watay Waxyaabaha  qarxa oo  doonayay in uu ku qarxiyo Goob ay inta badan isahu yimaadaan oo ku taalla Bariga magaaladaasi.

Taliyaha ayaa sheegaya in ninkaani uu ka tirsanaa Kooxda Al Shabaab islamarkaana Ciidamada dowladda ay dhaq dhaqaaqiisa la socdeen sida uu hadalka u dhigay inta uusan kusoo dhowaan Goobta bartilmaameedka u ahayd,taasi oo u sahashay Ciidamada inay ka hortagaan Weerarkaasi.

Aadan Biid ayaa tibaaxay inay jiraan Rag kale oo ka tirsan Kooxda Al Shabaab oo doonayaan in falal Argagaxisonimo ay ka gaystaan Gudaha Magaalada, hase ahaatee Ciidamada ay ka hortagayaan. 

Maalmihii dambe ayaa Ciidamada DKMG iyo kuwa Amxaarada ah ee ku sugan Magaalada Baydhabo ee Xarunta Gobolka Baay waxa ay wadeen Howlgallo Ammaanka lagu xaqiijinayo oo ka dhan ah Kooxda Al Shabaab.

Keydmedia.net - Xafiiska Muqdisho