NRC oo Deeq Gaarsiisay Qoysas ku Nool Walaweyn

Walaweyn(KON)-Hay’ada NRC ayaa Boqolaalo Qoys oo Barakacayaal ah islamarkaana ku nool Degmada Walaweyn ee Gobolka Shabellaha Hoose u qeybisay Gar-gaar Mini’aadantinimo.

Warar Keydmedia Online
14 June 2014

Gar-gaarka ay NRC Qeybisay ayaa ahaa Boorash,Misir”Saliid, Buskudka Nafaqada iyo Marakaneecooyin loogu talo galay in Qoysaska Danyartaa.

Sargaal ka tirsan Hay’ada NRC  oo la hadlay Keydmedia online  ayaa sheegay in ilaa 700 oo Qoys ay ka Faa’ideysteen  Deeqdaasi Hay’adu ay Qeybisay.

Sidoo kale Max’ed Wali  Xuseen oo ka mid ah Dadka Gar-gaarka la gaarsiiyey ayaa sheegay in ay u mahadcelinayaan  Hay’ada NRC,sheegayna in wali Baahi weyn ay qabaan.

Degmada Walaweyn ee Gobolka Shabellaha Hoose ayaa waxaa ku Nool Boqolal Qoys oo ka soo Cararay Dagaallo ka dhacay Gobolka iyo Fatahada Wabiga Shabelle.

Waxaana Deeqda lagaarsiiyey aysan waxba ka tari Karin Baahida Dhanka Nololshaa ee ay qabaan Qoysaskaas danyartaa.

Keydmedia online – Xafiiska Muqdisho