Wasiirka Caafimaadka Galmudug: Puntland Sun ayay ku Shubtay Deegaanada Galmudug

Gaalkacyo (KON) - Wasiirka Caafimaadka Maamulka Galmudug Axmed Shariif Cali oo la hadlay Keydmedia Online ayaa sheegay in Deegaanada Maamulka Galmudug lagu soo daadiyey Sunta Kiimikadaa ee Waxyeelada Geeysata.

Warar Keydmedia Online
16 June 2014

Axmed Shariif ayaa sheegay in inta u dhaxeysa Magaalada Gaalkacyo iyo Deegaanka Docol ee Barriga Gobolka Mudug lagu soo daadiyey Suntaasi Kiimikadaa.

Wasiirka Caafimaadka ayaa intaa ku daray hadlkiisa in ilaa Saddex Gaari oo ah Nuuca Soomaalidu ay u taqaan Candho Meydka ay Sunta Keeneen islamarkaana Gaadiidkaasi laga leeyahay Deegaanada Maamulka Puntland.

“Dadka ku nool Degaanka Docol ayaa nagu wargaliyey Sunta Goobta la keenay, Dadka waan oga dignay in halkaasi ay tagaan, waayo waxaa ka dhalan karta Qatar weyn” Ayuu yiri Wasiirku.

Axmed Shariif ayaa Arrintaasi ku eedeeyey Maamulka Puntland.

Waa markii ugu horeysay ee la sheego in Sunta Kiimikadaa lagu soo daadiyo Deegaanada uu ka taliyo Maamulka Galmudug ee Xeebta ka baxsan.

Keydmedia Online – Xafiiska Muqdisho