Qarax khasaare gaystay oo ka dhacay Jowhar

Qarax khasaare nafeed gaystay, ayaa barqanimadii maanta ka dhacay degmada Jowhar ee gobolka Shabeelaha Dhexe.

Warar Keydmedia Online
7 August 2022

JOWHAR, Soomaaliya- Qarax lagu soo xiray gaari Nooha ah, ayaa saakay ka dhacay agagaarka hotel Nuur Doob, ee magaalada Jowhar.

Qaraxan waxaa ku geeriyooday 2 qof, halka uu dhaawac ka soo gaaray 5 kale, oo dhamaantood ah dad rayid ah oo goobta ka agdhawaa.

Dadka dhaawacmay ayaa loola cararay isbitalka guud ee magaalada Jowhar, halkaas oo xaaladooda caafimaad lagula tacaalayo.

Goobta uu qaraxu ka dhacay, ayaa waxaa gaaray ciidamo ka tirsan kuwa maamulka Hirshabelle, waxeyna sameeyeen howlgallo aan cidna lagu soo qaban.

Amni darrada ka jirta Hirshabelle ayaa ah mid baahehsa, welina maamulku ma hayo xal looga hortagayo weerarada ay argagixisadu ka geysanayaan Hirshabelle.

KEYDMEDIA ONLINE