Qarax Lagu Weeraray Suuq Ku Yaalla Baydhabo

Baydhabo (KON)- Ilaa hadda inta la xaqiijiyay hal qof oo rayid ah ayaa dhintay ilaa laba kalena waa ay dhaawacmeen kadib markii maanta barqadii qarax Bambaano ah lagu weeraray suuqa qoryaha ee magaalada Baydhabo ee xarunta G/Bay.

Warar Keydmedia Online
29 September 2012

Qof ku suggan magaalada Baydhabo ayaa KON u sheegay in qofka dhintay iyo labada qof ee dhaawacmayba ay ka tirsanaayeen ganacsatadii ku suggnaa suuqa qaraxa lagu weeraray.

Qaraxa ka dib waxaa goobta uu qaraxa ka dhacay soo gaaray Ciidamo ka tirsan Dowladda Soomaaliya kuwaasoo soo qab qabtay dad aad u badan xabsiyada u taxaabeen.

Waxaaan wali hagaagin amaanka magaalooyinkii ay laga qabsaday kooxda Shabaab, sida Baydhabo, Baladweyn,  Xudur, Garbahaareey iyo Baladxaawo, waxaana inta badan ka dhacay weeraro iyo qaraxyo ay waxyeello ka soo gaarto dadka rayidka ah.

Keydmedia Online -Xafiiska, Muqdisho