Qarax Xalay Ka Dhacay Kismaayo iyo Dad Rayid Ah oo Ku Waxyeeloobey- Faah faahin

Kismaayo (KON)- Qarax khasaare dhalay ayaa xalay ka dhacay magaalada Kismaayo ee xarunta gobbolka Jubbada Hoose ayadoo qaraxaasina ay ku waxyeeloobeen dad rayid ah oo ka agdhawaa goobta uu qaraxan ka dhacay ee xaafada V-Afmadow ee magaalada Kismaayo.
Warar Keydmedia Online

Qaraxaan oo ahaa Bamka gacanta laga tuuro ayaa sida la sheegay lala eegtay baabuur Cabdi Bile ah oo ay saarnaayeen Ciidamada Raaskaambooni iyo kuwa Dowladda Soomaaliya ee ka arrimiya magaalada Kismaayo.

Ilaa hadda inta la ogyahay hal qof ayaa ku dhintay qof kalana waa uu ku dhaawacmay qaraxaasi, waxaana dadkaasi dhibaatada ay soo gaartay ay ahaayeen dad rayid ah oo xiligii qaraxa uu dhacayay marayay goobta uu qaraxa ka dhacay.

Qaraxa ka dib waxaa jirtay rasaas aad u tiro badan taasoo ay wada fureen Ciidamadii qaraxa lala eegtay waxaana jira dad ay dhaawacyo fud fudud kka soo gaareen rasaastaasi.

Sikastabada magaalada Kismaayo ayaa xalay ku waabariisatay xaalad cabsi iyo khal khal ah kadib markii sida la sheegay ay magaalada xalay soo galeen ragg ka tirsan kooxda Shabaab.

Keydmedia Online - Xafiiska Kismaayo

    There are no comments for this entry yet.




Warar 7 January 2023 12:08

Halkudhaga Keydmedia Online waa: Codka isbadalka, codka lagu difaaco xaquuqda aadamiga, codka dadka aan codka laheyn. Keydmedia Online sababta loo aas-aasay 12 sano ka hor wuxuu ahaa in ay bushada u soo bandhigto warbaahin ku qotonta xaqiiqada taagan iyo tan la soo maray.