Rooble ‘Rogane’ oo magacaabay guddi farsmo

Sii-hayaha xilka Ra’iisal Wasaaraha Maxamed Xuseen Rooble ayaa maanta magaacabay guddi farsamo oo ka shaqeynaya diyaarinta shirka wadatashiga ee uu iclaamiyay Madaxweynaha waqtigu ka dhamaaday Farmaajo.

Warar Keydmedia Online
14 February 2021

MUQDISHO, Soomaaliya - Shirka uu qabashadiisa ku dhawaaqay Farmajo ayaa loo madlanaa inuu dhaco maalin kadib oo ku began 15 Feebaraayo 2021, halka Guddiga maanta la magacaabay uu qorshuhu ahaa in ay maanta ku kulmaan magaalada Baydhabo ee caasimadda Gobolka Bay.

Guddiga ayaa ka kooban 14 xubnood oo isku jira kuwa ka socda Xukuumadda Dhexe, Maamul Goboleedyada iyo Gobolka Banaadir, waxaana loo xil-saaray u gogol xaaridda shirka golaha wadatashiga qaran oo ay isugu imanayaan Dowladda Federaalka, Dowladaha Xubnaha ka ah iyo Gobolka Banaadir si loo dhammeystirayo wadahadalladii arrimaha doorashooyinka.

Keydmedia Online, waxa ay fahansantahay cadaadiska kooxda Farmaajo kala kulmayaan Beesha Caalamka, Siyaasiyiinta mucaaradka ah iyo Shacabka Soomaaliyeed, kuwaas si wada jir ah uga soo hor jeestay damaca guracan ee Farmaajo iyo Fahad ku doonayaan in ay ku boobaan doorashooyinka dalka.

Aqriso magacyada Guddiga la magaacabay.

1. Xildhibaan Saalax Axmed Jaamac: Wasiirka Dastuurka Dowladda Federaalka.
2. Xildhibaan Cabdullaahi Abuukar Xaaji : Wasiirka Waxbarashada iyo Tacliinta Sare ee Dowladda Federaalka Soomaaliya.
3. Maxamed Cabdiraxmaan Dhabancad: Wasiirka Arrimaha Gudaha Dowlad-goboleedka Puntland.
4. Cabdullaahi Cali Xirsi Timacadde: Wasiirka Warfaafinta Dowlad-Goboleedka Puntland
5. Xirsi Jaamac Gaanni: Wasiiru-dowlaha Madaxtooyada Dowlad-goboleedka Jubaland.
6. Mursal Maxamed Khaliif: Wasiirka Caafimaadka Dowlad-goboleedka Jubaland
7. Cabdi Maxamed Jaamac (Waayeel): Wasiirka Arrimaha Gudaha Dowlad-goboleedka Galmudug.
8. Aadan Cusmaan Xuseen (Qoryooley): Wasiirka Boostada iyo Isgaarsiinta Dowlad-goboleedka Galmudug.
9. Axmed Madoobe Nuunow: Wasiirka Qorsheynta Dowlad-goboleedka Koofur Galbeed.
10. Maxamed Abuukar Cabdi: Wasiirka Arrimaha Gudaha Dowlad-goboleedka Koofur Galbeed.
11. Maxamed Cali Caadle: Wasiirka Arrimaha Gudaha Dowlad-goboleedka Hirshabelle.
12. Caasho Khaliif Maxamed: Wasiirka Haweenka iyo Xuquuqul Insaanka Dowlad-goboleedka Hirshabelle.
13. Basma Caamir Axmed: Guddoomiye Ku-xigeenka Arrimaha Bulshada ee Gobolka Banaadir.
14. Xiireey Axmed Rooble: Xoghayaha Gobolka Banaadir.

KEYDMEDIA ONLINE