Sarkaal ka tirsan Ciidamada Milatariga oo la dilay

Afgooye(KON)-Sargaal ka tirsanaa Ciidamada Milatariga Soomaaliya ayaa lagu Dilay Deegaanka Texsiile ee Gobolka Shabellaha Hoose.

Warar Keydmedia Online
1 June 2014

C/laahi Cali Indhoole oo hore oga mid ahaa Ciidamada Milatariga Soomaaliya ayaa Saaka lagu Dilay Deegaanka Texsiile oo Degmada Afgooye hoostaga,kadib markii uu Bar koontorool oo Ciidamada Dowladda Soomaaliya ay lahaayeen uu soo weeraray.

Dagaal Labada Ciidan dhexmaray ayaa waxaa ku dhintay Labo Ruux oo ku jiro Sargaalkaan lagu Magacaabijiray C/laahi Cali Indhoole,ayadoona ay ku dhaawacmeen 7 Askare oo kale.

Sargaal ka tirsan Ciidamada Milatariga Soomaaliya ayaa Keydmedia online u xaqiijiyey  Geerida C/laahi Cali Indhoole,kaasi oo mudooyinkaan danbe waday Jamhadeeyn uu oga soo hor jeedo Dowladda Federaalka Soomaaliya.

Madaxweynaha Soomaaliya Xasan Sh Maxamuud ayaa Maalmo ka hor  Cafis u fidiyey Sargaalkaa maanta la dilay C/laahi Cali Indhoole iyo Gudoomiyihii hore ee Degmada Balcad Cismaan Xaadoole.

Keydmedia online – xafiiska Muqdisho