Shabab oo gabi ahaan la wareegtay masaajid ku yaala deegaanka ceelasha biyaha

Waxaa lagu arkayaa deegaanka ceelasha maleeshiyaadka shabab oo xili walba soo gala meel walba oo ay dadku ku badanyihiin, meelahaas waxaa kamid ah goobaha ganacsiga, waxbarashada, masaajida ayna ka aqriyaan kitaabo iga u gaar ah, muxaadaro weyn ay ku amreen in ay dadku kasoo qeyb galaan taasoo uu ka hadlay horjooge ka tirsan Shabab oo sheegay in ay jirto saddex towxiid, arintaas oo yaab iyo amakaaga ku riday dadkii dhageysanayay.

Waqtigaas hadalada ay dadku isla dhex maryeen waxaa kamid ahaa, ”ma saddex illaah baa jira waa maxay saddexda towxiid” alla nimanku maxay yihiin, iyo hadalo kale oo mucjiso ku abuuray dadka ku nool deegaankaasi.

Ma ahan mid lagu soo koobi oo kaliya qoraal wax la mida dhibaatada ay kooxda Shabab ay u geystaan dadka shacabka ah, mararka qaar waxaa dhaca in caruurta iyo haweenka lagu amro in ay ka soo qeyb galaan siminaar ay iyagu bixinayaan, cidii diidana ay dhibaateyn doonaan. 

Keydmedia.net