KEYDMEDIA ONLINE DIB U HABEYN BAA KU SOCOTA
QM ayaa sheegtay in in ka badan 8 milyan oo qof ay soo wajahday “cunto yari aan hore loo arag” ka dib shan xilli roobaad oo xiriir ah oo guuldarraystay iyo qiimaha cuntada oo “aad u sarreeya”.
MUQDISHO, Soomaaliya - Soomaaliya ayaa ka badbaadey Macluul laga digay inay sanadkan dhamaadkiisa ku dhufato, sida uu sheegay C/raxmaan C/shakuur, Ergayga arrimaha abaaraha.
Ergayga ayaa bogaadiyay dadaallada ay sameysay dowladda ee ku aadan kahor-tagga Macluusha, kadib markii gargaar bini'aanimo gaarsiisay goobaha ugu daran ee abaartu saameysay.
Wuxuu xusay in wali ay jirto khatarta abaarta, maadaama wadanka afar sanad aan ka di'in roobab ku filan, waxaana jira saameyn taagan oo u baahan in lasoo wado howlaha naf-badbaadinta.
Dadka ugu badan ee ku barakacay abaarta ayaa ah Xoolo-dhaqato iyo Beeralay, kuwaasoo roobab la'aanta ugu haajiray magaalooyinka waaweyn, oo ku raadiyeen wax ay ku noolaadaan.
Waxaa lagu qiyaasaa dadka abaarta saameysay illaa 8 milyan oo qof, iyadoo QM ay ka digtay dhawaan in gobolka Baay ay ka jirto xaaladdii ugu xumayd, oo keeni karta Macluusha.
Macaluul waa cunto la'aan ba'an iyo heer aad u sarreeya oo dhimasho ah, oo ka dhasha gaajadda ama nafaqo-darro toos ah oo ay weheliso cudurrada sida daacuunka.
Ku dhawaaqida macluusha waxay la macno tahay xogtu waxay muujinaysaa in ka badan shan meelood meel qoysaska ay wajahayaan cunto yari aad u daran.
Sanadkii 2011, Soomaaliya waxaa ku dhuftay abaar xun, oo ay ku dhinteen 250,000 oo qof, iyadoo xiligaas dowladda Turkiga ay kaalintii ugu waynayd ka qaadatey gurmadka bini'aanimo.
KEYDMEDIA ONLINE
Add comment
Comments
There are no comments for this entry yet.