KEYDMEDIA ONLINE DIB U HABEYN BAA KU SOCOTA
Waxaa kordhaya tirada caruurta u geeriyooneysa nafaqo darrida, waxaana la soo warinayaa kiisas hor leh.
KISMAAYO, Soomaaliya - sacaadihii ugu danneeyey waxaa isbitalka magaalada Kismaayo xaalad nafaqo darro ugu geeriyooday tiro caruur ah.
Caruurta geeriyootay ayaa tiradooda lagu sheegay 30 caruur ah, waxaana la soo gudboonaatay nafaqo darro aad u baahsan.
Abaarta darran ee dalka ka jirta, ayaa keeneysa nafaqo darrada baahsan ee ay dhaxlayaan dhalaanka Soomaaliyeed, maaddaama ay yihiin kuwa ugu nugul ee ay abaartu saameysay.
Todobaadkii aynu ka soo gudbnay ayey ahayd markii magaalooyin ka tirsan gobolka Hiiraan ay nafaqo darro ugu geeriyoodeen, caruur tiradoodu kor u dhaafeyso 10 dhalaan ah.
Xaaladda abaar ee dalka ka jirta ayaa ah mid halis badan, welina dadku ma helin gurmad rasmi ah oo looga jawaabayo waayaha adag ee ay ku sugan yihiin.
KEYDMEDIA ONLINE
Add comment
Comments
There are no comments for this entry yet.