Wabiga Shabeelle oo Fatahaad Xooggan Ka Geystay Deegaano Ka Tirsan Sh/Dhexe

Jowhar (KON)- Wararka naga soo garaya gobbolka Shabeellaha Dhexe ayaa soo sheegay in Wabiga Shabeelle uu maanta fatahaad xooggan ka geystay deegaano ka tirsan gobbolkaasi.
Warar Keydmedia Online

Deegaanada uu Wabiga ku fatahay ayaa waxaa ay hoos tagaan degmada Mahadaay ee gobbolka Shabeellaha Dhexe gaar ahaana deegaan lagu magacaabo Hilwaa, halkaasoo la soo sheegayo in fatahaad xooggan uu wabigu ka sameeyay.

Ilaa hadda inta la xaqiijiyay 10 qof oo carruur ah ayaa la xaqiijiyay in biyaha fatahaadu ay qaadeen, ayadoo ay jiraan warar sheegaya inay khasaare dhimasho jirto.

Dadkii ku noolaa deegaanada ay fatahaado ka dhacday ayaa la sheegay inay isaga barakaceen guryahooda.

Keydmedia Online -Xafiiska, Muqdisho

    There are no comments for this entry yet.




Warar 7 January 2023 12:08

Halkudhaga Keydmedia Online waa: Codka isbadalka, codka lagu difaaco xaquuqda aadamiga, codka dadka aan codka laheyn. Keydmedia Online sababta loo aas-aasay 12 sano ka hor wuxuu ahaa in ay bushada u soo bandhigto warbaahin ku qotonta xaqiiqada taagan iyo tan la soo maray.